Sagardotxea, euskal sagardoaren museoa, produktu hau inguratzen duen kulturan murgildu eta dastaketaren sekretuak ezagutzeko leku paregabea da. Gune honek sagardoaren ekoizpen prozesua, baita milaka urte dituen edari honen eta txotx errituaren historia ere ezagutzeko aukera eskaintzen du.

Museoa leku itxia da eta errekurtso eta teknologia aurreratuenak ditu sagarra eta sagardoaren mundu zirraragarriaren historia, iragana, oraina eta etorkizun, baita Euskal Herriko kulturan duen garrantzia ere azaltzeko. Panel informatiboak, material interaktiboa, argazkiak eta jokoak erabiltzen dira azalpenetarako

Sagasti museistikoa aire librean dagoen gunea da eta sagarraren kultura modu dinamiko eta pedagogikoan gozatzeko aukera eskaintzen du. Hemen garatzen dira zenbait azalpen, jarduera, erakusketa, txertaketa eta labore, bisitariak naturaren mundura inguratzeko helburuarekin, modu atsegin eta dibertigarrian. Sagardoetxeko sagastiak ikusi eta aztertzeko aukera ematen du, baita Euskal Herriko sagar mota desberdinak ezagutzeko ere.

Sagardoetxeko hirugarren gunea sagardoa dastatzekoa da, txotx-aren ohituran barneratzera begira, bereziki. Sagardoetxeak denda bat ere badu, sagarra eta sagardoaren munduarekin zerikusia duten produktuak, oroigarriak, promozioko gauzak, dokumentazioa eta informazioa eskuratu ahal izateko